أصبحت هذي الكلمة تتكرر كثيراعلى ألسنة النواب المستجوبين
أو المؤيدين لإستجواب رئيس الوزراء
يا جماعة و الله ندري ان الاستجواب و المسائلة من حق أي نائب
و بالعكس هذي حالة صحية
لكن خل يكون للأسباب الصح
و بالوقت الصح
يعني مثلا
الاستجواب الي كان مقدم حق رئيس الوزراء من الطبطبائي و ربعه
عشان دخول الفالي بصورة غير قانونية
المفروض الجماعة يستجوبون الوزير المختص
الي اهو وزير الداخلية .. بس لأ.. يبون ناصر المحمد
و أمس الطبطبائي بالوطن يقول انه سأل الخبير الدستوري .. المقاطع
والخبير قاله انه الاستجواب غير دستوري
و هم صمموا على الاستجواب
و ألحين ياينا استجواب حدس
ابن الحكومة المدلل ( سابقا )
لا و بيصيرون معارضة
مو لايق
ذكروني بالمثل
يا شين السرج عالبقر
و فيصل المسلم طق الرصيف و دش معاهم عالخط و مقدم استجواب
و الشعبي بالطريج
و كأنه سباق لتسجيل البطولات
...............
ما هكذا يا سعد تورد الإبل
احنا و لله الحمد نمتع بالديمقراطية و حرية التعبير عن الرأي في الكويت
لكن
.....
عندما نستخدم هذي الحرية بشكل خاطيء
و نستخدمها لتحقيق المصالح الشخصية
و في الوقت الخاطيء
في وقت دولتنا تمر بأزمة اقتصادية مو لاقينلها حل
و الناس بس تتذمر
بهالطريقة راح تكون نتيجة الديمقراطية الي احنا أسئنا استخدامها عكسية علينا
شلون عكسية؟؟؟؟؟
طبعا حسب وجهة نظري المتواضعة
و أتمنى اني أكون غلطان
أتوقع ان الحل الغير دستوري ياي
و الحكومة راح تطيح قروض المواطنين
لكسب تعاطفهم مع الحكومة
و زيادة عدد الموطنين الحكوميين
و ماكو مجلس
و السبب شنو؟؟؟
السبب استخدام بعض النواب لحقهم الدستوري
!!!!!!!
7 comments:
Min 7aqqa yaaba min 7aqqa ! kilman hab o dab 7a6la istijwaba .. o tilga kilhom elly kaatiblihom il istijwaabaat il masree mal ma7al il tasweer bil jam3iyya ;P
انا ملاحظه
بكل الحالات
وبكل السيناريوهات
القروض طايحه
:/
وانتم بخير
OMG .. People are talking about questioning the Prime minister for stupid reasons .. not just the PM, also some ministers !!
ya3ni a naked guy jumps into a school .. WHY THE HELL do they say "استجواااااب" for Noreya Al Subeeh ?!
COME ON !!
We need to be more civilized .. we need to give a good image about our country .. it provides us with everything .. من المهد إللى اللحد ..
What do you need more than that ?
Our kids are freely educated
We have free health care
We have free تموين
It gives you money when you are married
كفاية انك بين الناس كويتي
Wallah I feel sorry for Kuwait .. !!
يا جماعة والله الكويت تستاهل خلونا نعطيها جهد و تعب شوي .. مو بس كل واحد فاتح مخابيه حق المناقصات ومن أحد قاله شي ما يعجبه قال هااااا ترى الاستجواب موجود وهذا كله في مصلحة الوطن
عمي طيييييييييييير
Thanks Dasmawee for the post
خليتنا نطلع الحرة شوي
Raz
شلون الجمعية اليديده؟؟
مو شي صح؟
:")
يا معودة الي يكون بس اكيد احسن من القديمة
كل عام وأنت بخير
آخر بوست في مارس؟؟
Post a Comment